Zbulime të reja dalin në dritë pas ngjarjes në Glyka Nera, ku 20-vjeçarja Caroline u vra brenda shtëpisë së saj, më 11 maj nga grabitësit. Sipas informacionit më të fundit të raportuar nga mediat greke, piloti 33-vjeçar, burri i Caroline, duket se e ka njohur gjuhën shqipe, kur ka dëgjuar fjalët e pakta të tre autorëve që ishin futur në shtëpinë e tyre.
Babis Anagnostopoulos kur ndodhi ngjarja ishte i lidhur dhe ka parë shumë pak gjëra. Por ai dëgjoi disa biseda të shpërndara të shkëmbyera nga të huajt që vranë gruan e tij dhe kërcënuan atë dhe fëmijën e tij.
Policia e sigurisë e nënshtroi atë në një lloj ekzaminimi akustik të gjuhëve të ndryshme, duke dashur kështu të drejtojë hetimet e tyre. Piloti 33-vjeçar dëgjoi fjalë të ndryshme në gjuhën shqipe dhe gjeorgjiane, madje edhe në dialektet rome. Nga ato që ka dëgjuar, 33-vjeçari ka thënë se ato që kishte dëgjuar përputheshin me gjuhën shqipe.
Gjithashtu, nga eksplorimi i shtëpisë megjithëse rezultatet mbahen sekret nga autoritetet, gjeti të paktën një gjurmë këpucësh.
“Kjo do të thotë që ne e dimë madhësinë e këpucëve të njërit prej autorëve. Nëse nesër kemi një të dyshuar me një madhësi të vogël këpucësh, kjo do të thotë se nuk ishte gjurma e tij,” tha një oficer i policisë së Sigurimit.
