Polemikat kanë shpërthyer në Turqi pas zbulimit të vilës verore luksoze prej 60 milion eurosh të Presidentit Rexhep Tajip Erdogan.
Arkitekti Sefik Birkiye, i cili projektoi ndërtesën me 300 dhoma në Marmaris, në bregdetin jugor të Egjeut të Turqisë, tregoi vilën për herë të parë. Imazhet e “pallatit të verës” – siç është quajtur, duke evokuar të ashtuquajturin “pallat të bardhë” që kreu i shtetit kishte ndërtuar në kryeqytetin e Ankarasë, u morën nga e përditshmja opozitare laica Sozcu.
Përfunduar në vitin 2019, rezidenca shtrihet mbi rreth 90,000 metra katrorë , me një pishinë dhe një plazh me hyrje private në det, në një nga zonat më ekskluzive të pushimeve të vendit, si dhe një bllok helikopteri.
Imazhet e vilës së Erdoganit po shkaktojnë kritika të forta në opinionin publik, si për kostot e larta në kohën e vështirësisë ekonomike dhe zhvlerësimin e rëndë të lira turke, ashtu edhe për akuzat e shpyllëzimit masiv të zonës për të zgjeruar ndërtesën, e cila është në vëndin që dikur priste rezidencën verore të ish-Presidentit turk Turgut Ozal.
