Autoritetet janë në gatishmëri të plotë, pas tërmetit të fuqishëm prej 5.8 ballësh që goditi ishullin e Kretës.
Sipas raportimeve të deritanishme, më shumë se 1.000 ndërtesa, shumicat prej guri në Arkolochori, janë dëmtuar rëndë në infrastrukturë.
Me urdhër të ministrisë së Infrastrukturës dhe Transportit, në terren kanë zbritur rreth 20 inxhinierë, që po vlerësojnë dëmet.
Sakaq, vlen të përmendet se deri më tani nga tërmeti ka ndërruar jetë 1 person, janë plagosur 9 dhe 2 janë ende të bllokuar nën rrënoja.
