Dashi
Sipas horoskopit të Paolo Fox, java do të ketë një fillim të mirë, me Hënën në shenjë. E hëna 15 dhe e marta 16 do të jeni plot energji dhe vitalitet: përfitoni prej saj, për të bërë hapa përpara, përkushtohuni për diçka të rëndësishme. Në punë do të ketë ende një betejë: duroni, sepse nga 22 nëntori gjërat do të fillojnë të përmirësohen. Në dashuri do të nevojitet ende maturi.
Demi
Java juaj do jetë mjaft e ngarkuar. Me Venusin në krah do të jetë e mundur që të përballeni me një ndryshim kursi në punë. E vështirë, por e nevojshme. Mos e shtyni më! Në dashuri do arrini të rikuperoni harmoninë që ju ka munguar kohët e fundit. Kujdes nga e enjtja 18 nëntor, sepse premton të jetë një ditë veçanërisht e trazuar. Do të ndjeni një nevojë në rritje për t’u larguar nga gjithçka që ju bën të ndiheni keq.
Binjakët
Nga e hëna do të jetë thelbësore të filloni të zgjidhni problemet tuaja të punës, mosmarrëveshjet apo pyetjet ende të hapura. Mos i shtyni pas vitit të ri, sepse viti 2022 do të lindë me njëfarë pasigurie pikërisht për sa i përket marrëveshjeve. Megjithatë, dijeni se atë që konsolidoi 2021, viti i ardhshëm nuk do ta shkatërrojë. Kujdes në familje, sidomos midis prindërve dhe fëmijëve, midis vëllezërve apo të afërmve.
Gaforrja
Siç tregon horoskopi i Paolo Fox, java do të nisë me një ditë paksa të trazuar. Të hënën 15 dhe të martën 16, Hëna do të jetë në aspektin e kundërt: kujdes marrëdhëniet mes çifteve që së fundmi kanë përjetuar një rënie ose një konflikt të vogël. Në punë është koha për të parë përreth dhe për të filluar të mbillni. Fundi i nëntorit mund t’ju ofrojë tashmë mundësi të reja emocionuese.
Luani
Një tjetër javë mjaft e ndërlikuar po afrohet në frontin e punës. Do të duhet të shtrëngoni dhëmbët deri më 22 nëntor; që nga ajo ditë do të jetë e mundur të priten disa lajme, disa përmirësime. Ndërkohë, përpiquni të mbani nën kontroll krenarinë tuaj të madhe. Në dashuri gjërat do jenë më mirë se javën e kaluar. Do të nevojitet pak kujdes shtesë ndërmjet të mërkurës 17 dhe të enjtes 18.
Virgjëresha
Java do të jetë plot stimuj dhe mundësi të reja për t’u kapur në fluturim. Me Venusin sërish aktive, Mërkurin në pozitë të mirë, jeta juaj profesionale ndriçohet. Nëse duhet të zgjidhni një problem, shfrytëzoni në maksimum ditët e ardhshme, sepse yjet do t’ju ofrojnë të gjitha burimet e nevojshme. Në dashuri është koha për të dalë dhe për të braktisur çdo rezervë. E enjtja e datës 18 do të jetë një ditë veçanërisht intriguese.
Peshorja
Sipas parashikimeve yjore të Paolo Fox, java juaj do të fillojë me këmbën e gabuar. Mes të hënës 15 dhe të martës 16 do të duhet të menaxhoni sa më mirë nervozizmin tuaj, sepse mund t’ju bëjë të debatoni me dikë. Kujdes nga polemikat! Nga e mërkura, humori do të kthehet në qetësi. Nga e premtja 19 do të vijnë informacionet dhe njohuritë e dobishme për të arritur një qëllim që i keni vendosur vetes. Në dashuri duhet të përfitoni nga ditët në vijim, sepse nga data 22 e muajit do të bëheni më të kujdesshëm për të nesërmen.
Akrepi
Fatkeqësisht, nëntori nuk është një muaj që ofron shumë mundësi të reja pune. Pavarësisht trazirave të mëdha me të cilat jetoni prej muajsh, situata juaj ekonomike është pak më pozitive. Ju duhet t’i jepni frymë figurës suaj profesionale, për të rikuperuar ngërçin e së shkuarës. Nga ana tjetër, janë ditë të nxehta për dashurinë. Do të duhet pak kujdes nga e mërkura 17 deri të enjten 18, sepse do të keni Hënën në kundërshtim: rreziku i konfliktit do të jetë shumë i lartë!
Shigjetari
Java do të nisë me një Hënë të shkëlqyer që do të lehtësojë komunikimin, dialogun, marrëdhëniet ndërpersonale. Në punë, një rikuperim i mirë, ndonëse i ngadaltë, do të vazhdojë. Megjithatë, nga data 22 do të shihni një përshpejtim të këndshëm, ndaj bëni durim deri atëherë. Në dashuri janë veçanërisht premtuese ditët e së hënës 15 dhe e martës 16 nëntor. Emocionet mund të lindin në çdo moment. Ju po fitoni sigurinë se tani e tutje do të jetë e mundur që të ktheheni në lojë, t’i përkushtoheni një projekti të ri.
Bricjapi
Siç edhe parashikohet nga horoskopi i Paolo Fox, java do të jetë plot me të dhëna, ide dhe mundësi të reja. Fundjava mes të premtes 19 dhe të dielës 21 është shumë interesante falë një trinie të këndshme midis Uranit dhe Venusit. Do të keni vërtet frymëzime të veçanta! Edhe në dashuri po përjetoni një moment magjik, falë pranisë dashamirëse të Venusit. Ditët 17-21 do të jenë veçanërisht ftuese për Bricjapët që kërkojnë aventura të shpejta ose ngushëllim.
Ujori
Për fat të mirë, java juaj do të fillojë mjaft e qetë, falë një Hëne të mirë. Mos harroni, megjithatë, se në punë dhe në marrëdhëniet shoqërore do t’ju duhet të ruani një diplomaci të caktuar, sepse këtë vit keni humbur shumë referenca, por keni fituar të reja. Duheshin disa ndryshime! Në dashuri duhet të shfrytëzoni ditët në vijim për të rikthyer harmoninë në çift. Ky horoskop është i mirë edhe për ata që janë të vetmuar prej kohësh, megjithëse mundësitë reale do të vijnë duke filluar nga e mërkura e datës 24 nëntor.
Peshqit
Me afrimin e dhjetorit do të bëheni gjithnjë e më të mirë dhe do të keni më shumë shanse për sukses. Në punë, ata që kanë mundur të vënë në lojë ditët e fundit do të fillojnë të shohin frytet e para. Në përgjithësi, do të ketë një kohë bujare për të gjithë. Kjo nuk do të thotë që fati do të vijë automatikisht, por nismat tuaja do të rrjedhin më mirë, pa pengesa. Edhe në dashuri sapo ka nisur një rikuperim i rëndësishëm. Ata që janë larguar së fundmi, mund të gjejnë edhe një zëvendësues të bukur shumë shpejt.
