MAQEDONI E VERIUT – Kuvendi në Maqedoninë e Veriut i ka dhënë mbështetjen e tij qeverisë së propozuar nga Dimitar Kovaçevski. Gjysmë ose para mesnate, 62 deputetë votuan pro qeverisë së re, 46 kundër, ndërsa nuk kishte abstenime.
Kovaçevski është zotuar për zbutjen e krizës ekonomike dhe energjetike që e kanë burimin, sipas tij, tek pandemia e koronavirusit. Përparësi e qeverisë së re do të mbetet procesi i integrimit dhe zgjidhja e mosmarrëveshjeve me Bullgarinë, që e ka bllokuar procesin për Shkupin.
“Qeveria ka legjitimitet të pakontestueshëm sidomos me zgjerimin e deputetëve shumica është e sigurt. Zgjedhe do të ketë por në vitin 2024. Prej nesër filloj me punë. Do të kem takimmem ambasdadoren gjermane. të martën do të takohem me kryeministrin bullgar Petkov nga i cili do të kërkoj mbështetje për pooullin e Maqedonisë dhe zgjidhje. të lëmë ndarjet partiake dhe etnike të bashkohemi në interes së qytetarëve”, tha Kovaçevski.
Kabineti i ri do të ketë 21 ministra, një më tepër se qeveria e Zoran Zaevit. Lidhja Social demokrate me partnerët e saj të vegjël do të drejtojnë 9 ministri; Bashkimi Demokratik për Integrim gjashtë dhe partia Alternativa 3 ministri.
Opozita e konsideron si jo legjitim Kovaçëvskis pasi ai asnjëherë nuk ka marrë pjesë drejtpërdrejt në zgjedhje, dhe ka paralajmëruar protesta kundër kabinetit të ri.
Marrë nga alsat.mk
