Për 2022 përveç aksionit kundër informalitetit në paga administrata tatimore pritet ndërmarrë edhe kontrolle në sektorin e energjisë dhe hidrokarbureve.
Vëmendja e tatimorëve në luftën kundër informalitetit do të përqendrohet edhe për trajtimin e sektorëve të tjerë apo tatimpaguesish në varësi të madhësisë të tyre që do të vazhdojë për vitet 2022-2024.
Masat që do të vijojnë të ndërmerren nga administrata tatimore për fuqizimin e luftës kundër informalitetit janë paraqitur në projektvendimin për MFE për “Programin e reformave ekonomike 2022-2024”. Kontrolli i riskut do të bazohet mbi kontrollin e plotë tatimor, kontroll nga zyra, vizitat fiskale, monitorimi, kontakti me letra dhe telefonata.
Më herët ministrja e Financave dhe ekonomisë, Delina Ibrahimaj njoftoi nisjen e aksionit kundër informalitetit në sektorin e pagave. Administrata tatimore deri tani i ka dërguar rreth 10,000 letra tatimpaguesve që përbëjnë risk në deklarimin real të pagave. Kontrollet pritet të nisin pas muajit shkurt për t’u dhënë kohë subjekteve të vetëkorrigjohen pas dorëzimit të listëpagesave nga 10 janari.
Në vitin 2021, në kuadër te luftës kundër informalitetit administrata tatimore hartoi dhe zbatoi planin sektorial të turizmit 2021 dhe rindërtimit. Sipas programit të reformave ekonomike thuhet se nga zbatimi i planit të informalitetit në turizëm është shënuar rritje e TVSH-se se detyrueshme për tu paguar me 15%, për të njëjtët tatimpagues që kanë qenë aktiv dhe në vitin 2019, gjatë sezonit turistik të vitit 2021. Gjithashtu sipas tatimeve aksioni i ndërmarrë ka ndikuar edhe rritjen e regjistrimit të 175 subjekteve me TVSH dhe rritje me 8% e numrit të punonjësve për tatimpagues aktiv në të dy periudhat 2021-2020 dhe është shtuar 16% numri i punonjësve të deklaruar për popullatën e targetuar aktive.
Në sektorin e rindërtimit në fokus të kontrollit të tatimorëve ishte menaxhimi i riskut për kompanitë zbatuese të programeve të rindërtimit që u përjashtuan nga TVSH-ja. Vitin e kaluar u realizuan 45% e kontrolleve nga zyra, ku rezultoi detyrim i pagesës për TVSH-së në vlerën 53,735,561 lekëve. Ndërsa për ata tatimpagues të cilët kanë rezultuar mospërmbushës janë planifikuar 125 vizita fiskale, 45 kontrolle tatimore në ambientet e subjekteve, si dhe 324 kontrolle nga zyra për kompanitë që nuk janë të pajisur me Autorizimin “Për përjashtim nga TVSH për subjektet e Rindërtimit” por, kanë bërë shitje pa TVSH ndaj tatimpaguesve të pajisur me autorizimin për sa i përket detyrimit për rregullimit të TVSH. Sipas dokumentit proces do të vazhdojë edhe në 2022 do të pasqyrojmë një përmbledhje të gjetjeve nga vizitat fiskale dhe kontrollet në ambientet e tatimpaguesve për të konkluduar mbi këtë plan sektorial.
Efektet e aksionit kundër informalitetit në turizëm dhe rindërtim: Rritje me 8% e xhiros gjatë sezonit turistik 2021, krahasuar me vitin 2019 për të njëjtën periudhë për tatimpaguesit aktivë të synuar; 4% rritje e pagesës së TVSH-së duke identifikuar dhe inkurajuar tatimpaguesit që rezultojnë në mos-deklarim apo pagesë të vonuar; Reduktim me 25% të numrit të tatimpaguesve (TP) që deklarojnë në listë pagesë vetëm 1 punonjës; Zvogëlim me 15% të numrit të punonjësve me pagë minimale ose më pak.
Rindërtimi: U identifikuan tatimpagues me risk; Shitjet e mëdha te përjashtuara nga TVSH-ja; Tatimpagues me përqindjen më të lartë të punonjësve nen pagën minimale; Tatimpagues me një rënie në koeficientin e pagesës së TVSH-së; Tatimpagues që rezultojnë me 1-3 punonjës; Tatimpagues që në mars 2020 rezultuan në një rënie në numrin e punonjësve; Tatimpagues qe rezultuan me humbje gjatë vitit 2020.
Marrë nga Monitor.al
