Dashi
Hëna do ju shtojë dëshirën për t’ia mbathur e për të bërë diçka ndryshe sot. Lëreni veten të lirë dhe ndiqni zemrën pasi nuk keni për t’u zhgënjyer. Ju që jeni në një lidhje do dashuroheni pa dorashka dhe në çdo moment do përjetoni kënaqësi të veçanta. Nëse jeni beqarë do ndiheni të bllokuar dhe nuk do ja shprehni dot ndjenjat një personi që e adhuroni. Po pritët gjatë ka rrezik që dikush tjetër t’ua rrëmbejë atë nga duart. Në punë, aftësia juaj komunikuese dhe bashkëpunuese do ju të arrini lart e më lart. Shumë do ju adhurojnë, do ju marrin si shembull dhe do ju kërkojnë këshilla. Financat nuk do jenë aq të kënaqshme sa për të hequr para mënjanë, prandaj bëni kujdes.
Demi
Do keni moral shumë të fortë gjatë kësaj dite dhe mund të kaloni çdo lloj prove pa pasur asnjë problem. Bëni vetëm kujdes nga disa persona gënjeshtarë e hipokritë. Ju çiftet, edhe pse jeni në një lidhje do flirtoni me persona të tjerë dhe kjo do nxisë grindje me partnerin. Në fakt nëse nuk e doni me atë, me mire te ndërprisni menjëherë lidhjen Ju beqarët as që do mendoni ta ndryshoni statusin edhe pse në fakt mundësitë që do ju paraqiten do jenë të mira. Në punë do jeni dinamikë dhe do dini më së mirë se çfarë duhet të bëni në çdo situatë. Idetë tuaja do i shprehni pafundësisht. Buxhetin do dini gjithmonë si ta menaxhoni.
Binjakët
Dite e mbushur me momente te lumtura do jete kjo e sotmja. Nëse jeni në një lidhje, partneri do ua plotësojë të gjitha dëshirat dhe do mundohet t’iu bëjë të ndiheni si mbi re. Nëse jeni beqarë do keni një takim pune, i cili do ju krijojë mundësinë të realizoni njohjen e jetës. Në punë do i arrini të gjitha objektivat ambicioze dhe kjo do ju motivojë akoma më shumë. Do keni aq shumë energji dhe vrull sa mund të ndihmoni edhe disa kolegë të vjetër. Në planin financiar duhet të bëni pak më tepër përpjekje për ta ekuilibruar buxhetin. Nëse i lini gjërat zvarrë keni për të pasur probleme nesër.
Gaforrja
Duke qenë se disa planetë do jene në kundërshti me njëra-tjetrën sot ka rrezik të keni edhe ndonjë tronditje të vogël. Nëse jeni në një lidhje ka mundësi të mos i kushtoni shumë vëmendje atij që keni në krah dhe ai mund t’i hedhe sytë gjetiu. Ju beqarët do dini çfarë të bëni në mënyrë që të filloni lidhjen që keni ëndërror gjithmonë. Bota do ju duket shumë më e bukur tashmë. Në punë nuk do jeni në ditën më të mirë dhe sado t’iu ndihmojnë kolegët nuk do arrini atje ku doni. Gjendja e financave do varet tërësisht nga mënyra sesi ju do silleni me to. Po bëtë çmenduri mund të keni probleme serioze.
Luani
Hëna do favorizojë dhe do nxitë më shumë natyrën tuaj të drejtpërdrejtë, vetëm se kjo gjë nuk do ju pëlqejë të gjithëve. Nëse keni një lidhje flisni hapur me partnerin dhe tregojini ato gjëra që nuk ju pëlqejnë nga ai. Në fund të fundit të gjithë kanë defekte dhe mirë është që të rregullohen. Edhe ju do jeni të gatshëm të rregulloni tuajat. Nëse jeni beqarë do dini të ruani vetëpërmbajtjen dhe nuk do hidheni menjëherë në krahët e të parit që do ju propozojë. Në punë do jeni shumë të arsyeshëm dhe do ja dilni në çdo sipërmarrje që do ndërmerrni. Financat as nuk do ndryshojnë farë kështu që mos u shqetësoni.
Virgjëresha
Ditë shumë e paqëndrueshme ka për të qenë kjo e sotmja. Në shumë raste do bëni ju gabime me sjelljen. Nëse keni një lidhje partneri do jetë i gatshëm t’iu dashurojë pa dorashka dhe t’ua shprehë ndjenjat pafund, por duhet që ju ta lejoni. Mos u tregoni të egër sepse vetëm sa do e largoni atë nga vetja. Ju beqaret do mendoni vetëm për lidhje serioze dhe afatgjata prandaj nuk do preferoni të dilni me personat që do ju ftojnë të nisni aventura kalimtare. Në punë tregohuni të matur me hapat që do hidhni dhe mos besoni verbërisht tek disa kolegë që do hiqen si të mirë. Në planin financiar fati nuk do jetë me ju kështu që bëni llogari para se të shpenzoni.
Peshorja
Sot do keni uri për harmoni dhe mirëqenie e në fakt do ja arrini falë një mënyrë të veçantë të shprehuri. Nëse keni një lidhje, marrëdhënia juaj në çift do konsolidohet mjaft. Do dini si ta mbani partnerin në pëllëmbe të dorës dhe do ja plotësoni të gjitha dëshirat. Nëse jeni beqarë do përjetoni plot momente fantastike pasi do takoni personat që keni ëndërruar gjithë kohës. Në punë nuk duhet të dekurajoheni edhe sikur të merrni kritika për ato që keni bërë deri më sot. Mundohuni të jeni më të kujdesshëm tashmë. Në planin financiar nuk do arrini dot ta stabilizoni gjendjen, kështu që të paktën mundohuni të ruani vetëm ekuilibrin.
Akrepi
Me Hënën në krah do avanconi me hapa te vogla sot, por të sigurta. Keni mësuar nga gabimet e së shkuarës dhe nuk do doni t’i përsërisni më. Ju që jeni në një lidhje do keni një marrëdhënie të adhurueshme sot. Çdo gjë do shkojë në perfeksion dhe çastet e lumtura do mbizotërojnë përherë. Ju beqarët do bëni dhe do merrni deklarata dashurie. E pamundur të shmangni një fillim lidhjeje sot. Në punë do përballeni me sfida të vështira në disa momente. Durimi dhe këmbëngulja do ju bëjnë të mos dorëzoheni për asnjë çast. Në planin financiar duhet të rregulloni disa probleme urgjente.
Shigjetari
Falë ndikimit të madh të Diellit në jetën tuaj gjërat do fillojnë të normalizohen dhe shpirti do ndihet më i qetë. Nëse keni një lidhje do jeni karizmatikë të dyja palët dhe do mundoheni që ta bëni çdo çast fantastik. Mund të mendoni edhe të gatuani gjëra interesante së bashku. Ju beqarët do bëni shumë persona xhelozë sepse do arrini të afroheni me dikë që e adhurojnë të gjithë. Në punë do jepni çdo gjë nga vetja vetëm për të mos qëndruar në vend e për të avancuar. Arsyetimi dhe reflektimi do ju ndihmojnë të arrini lart e më lart. Me financat mos bëni asnjë çmenduri sepse situata mund t’iu dalë jashtë kontrollit.
Bricjapi
Dite e turbullt ka për të qenë kjo e sotmja dhe në shumë momente do ndiheni të mërzitur. Nëse keni një lidhje pritet të kaloni disa stuhi të vogla, por që do ju brengosin pamasë. Do prekni disa tema delikate dhe mund të lëndoheni të dyja palët. Ju beqarëve do ju rrahë zemra edhe më fort gjatë kësaj dite pasi të realizoni një takim në ambientet e punës. Çdo gjë do realizohet ashtu si nuk ju kishte shkuar mendja ndonjëherë. Në punë nuk do i bindni dot shefat t’iu japin atë që dëshironi dhe kjo mund t’iu shtyjë të eksperimentoni gjëra të reja. Financat mos i ngacmoni shumë sepse situata mund t’iu dalë jashtë kontrollit më pas.
Ujori
Gjatë kësaj dite do i merrni gjërat më seriozisht në çdo fushë dhe keni për të marrë edhe vendime. Nëse keni një lidhje do rizgjoheni nga gjumi letargjik dhe do mundoheni të bëni diçka ndryshe që të përjetoni më tepër emocione. Nëse jeni beqarë nuk do arrini dot të fiksoheni vetëm pas një personi sepse do ju pëlqejnë disa njëherësh. Në punë mund të filloni një projekt shumë më të rëndësishëm nga më parë dhe planetët do ua ndriçojnë përherë rrugën. Dëgjoni edhe instinktin në disa momente. Në planin financiar mos prisni përmirësime të menjëhershme, por tregohuni sa më të duruar në mënyrë që të keni edhe më shumë përfitime.
Peshqit
Do jeni gjatë gjithë kohës në ankth sot dhe aspak të qetë. Nëse keni një lidhje do i rini ftohtë partnerit, jo se nuk e doni, por sepse nuk jeni në humor. Mund të lindin keqkuptime dhe marrëdhënia juaj do ketë krisje. Nëse jeni beqarë do mund të realizoni takime me persona të mençur dhe seriozë, por nuk do ju mbushet mendja. Mesa duket ende nuk jeni pjekur për të kuptuar cila është më e mira. Nëse jeni në punë ka mundësi të niseni në një udhëtim me disa kolegë dhe do lindin incidente me ta. Asnjëri nuk do pranojë se ka pasur faj. Me shpenzimet mos spekuloni sepse do mbeteni pa para.
