SHBA është angazhuar për arritjen e një marrëveshje mes Bullgarisë dhe RMV-së, në mënyrë të kësaj të fundit t’i hapet rruga për nisjen e anëtarësimit në BE. Kjo u konfirmua pak ditë më parë nga zëdhënësi i DASH, Ned Price , i cili njoftoi se Shtetet e Bashkuara po zhvillojnë bisedime dypalëshe me Bullgarinë dhe Maqedoninë e Veriut për të zgjidhur shpejt mosmarrëveshjet. Sipas tij, ky është momenti që të dyja vendet të marrin dritën jeshile nga Këshilli Europian.
Ndërkohë, në SHBA po qëndrojnë njëkohësisht kryeministri i Bullgarisë Kiril Petkov dhe ministri i Jashtëm i RMV-së, Bujar Omani. Ndonëse zyrtarisht nuk është komunikuar për negociata mes dy vendeve, si Petkov ashtu dhe Osmani janë takuar me ndihmës sekretaren amerikane të shtetit, Viktoria Nuland.
Kjo e fundit, nëpërmjet një postimi në Twitter se është shumë e kënaqur për takimin me kryeministrin bullgar. “Së fundmi ka pasur një reagim edhe I kënaqur për takimin me kryeministrin bullgar KirilPetkov në Uashington. Përgjigja parimore dhe e guximshme e Bullgarisë ndaj agresionit rus, angazhimi për reformën kundër korrupsionit dhe synimet e energjisë së pastër e bëjnë atë një aleat të fortë”, shprehet ajo.
Ndërkohë Bujar Osmani në reagimin e tij e tij në Facebook ka shkruar: Faleminderit për mbështetjen e vazhdueshme amerikane për proceset tona integruese në BE, veçanërisht domethënëse në kontekstin e kërcënimeve aktuale të sigurisë. Forcimi i pranisë së SHBA-së në territoret tona është çelësi për ruajtjen e stabilitetit dhe sigurisë rajonale”. Vendimi për hapjen e negociatave me Maqedoninë e Veriut ka ngecur në Këshillin e BE-së, pasi Bullgaria ka vendosur veto për shkak të mospajtimeve që ka me Shkupin zyrtar.Sofja pranon gjuhën dhe identitetin maqedonas, por vetëm pas vitit 1945, para kësaj periudhë, ato, sipas saj, kanë pasur “rrënjë bullgare”.
