Gazetarja investigative Lindita Çela në emisionin Ekonomi Plus të gazetares Klaudja Karabolli në Syri.tv ka zbuluar si paratë e pista dhe krimi i organizuar bëhen pjesë e fushatave elektorale duke mbështetur financiarisht partitë politike.
Çela theksoi se në periudhat parazgjedhore nuk ka hyrje të drejtpërdrejtë të parave të padeklaruara në vend, por ato sigurohen përmes një skeme të pagesave si mbështetje dhe përkrahje e një kandidati të caktuar të partisë që ata mbështesin.
“Paratë e padeklaruara hyjnë në fushatë nga personat që kanë arritur të kenë privilegje apo të kenë fituar të ardhura nga një parti politike .Krimi i organizuar nuk I injekton paratë drejtë për drejtë në ekonomi, por hyjnë përmes një kandidati të vetëm të asaj partie. Personat që hedhin këto para të padeklaruara mbështesin dhe krijojnë facilitate për një kandidatë të vetëm të asaj partie. Mbështetja e këtij personi vjen në forma të ndryshme si pagesat elektorale, ambiente ku mbahen takimet elektorale, postera elektorale, madje deri tek veshjet.”
Ndiqni fjalën e plotë të gazetares në min 27: 48
