Qeveria gjermane mbështet anëtarësimin e Kosovës në Këshillin e Europës, thotë Knut Abraham, anëtar i Grupit Parlamentar të CDU/CSU-së, që është opozita gjemane.
Knut Abraham tha se ai ka pyetur qeverinë gjermane rreth mundësisë së anëtarësimit të Kosovës në Këshillin e Europës, dhe përgjigja ka qenë inkurajuese.
“Tani, Gjermania duhet të mbështesë në mënyrë proaktive aplikimin e Kosovës në Këshillin e Evropës”, shkroi ai në Twitter. Në seancën parlamentare të 12 prillit, kryeministri Albin Kurti tha se Kosova do të aplikojë në Këshillin e Europës dhe Bashkimin Europian. Që nga pushtimi i Ukrainës nga Rusia në muajin shkurt, në Kosovë janë shtuar zërat dhe kërkesat për anëtarësim të menjëhershëm të vendit në organizata ndërkombëtare, si masë sigurie për vendin.
