Tiranë- Mbrëmjen e djeshme, kreut i partisë Agrare Ambientaliste, Agron Duka ka nënshkruar marrëveshjen me kryetarin e PD, Lulzim Basha, ku është vendosur që të jetë i dyti në qarkun e Durrësit në listat e PD.
Edhe kreu i Partisë Demokristiane, Nard Ndoka arriti dakordësinë me kryedemokratin, Lulzim Basha për t’u bërë pjesë e marrëveshjes së opozitës për të dalë si një koalicion i përbashkët në zgjedhjet e 25 Prillit.
Në përfundim të takimit me Lulzim Bashën ai deklaroi se i kërkoi kryedemokratit që partia e drejtuar nga ish-presidenti Bamir Topi të jetë e përfaqësuar në këtë koalicion, ndërsa pretendimet janë për një mandat të sigurt në Tiranë.
Ndërkaq, kreu i Partisë Republikane Fatmir Mediu ishte i pari sot që firmosi marrëveshjen e koalicionit me Bashën, pas tij edhe kreu i PBDNJ-së, Vangjel Dule e më pas kreu i LZHK-së, Dashamir Shehi hynë njëri pas tjetrit në selinë blu për të firmosur marrëveshjen për zgjedhjet e 25 prillit, si pjesë e koalicionit opozitar.
