Transporti u gjallërua në vitin 2021, pas rënies së fortë që shënoi në 2020-n, duke qenë ndër më të prekurat nga kufizimet e brendshme dhe globale që u morën për të parandaluar përhapjen e Covid-19.
Pavarësisht përmirësimit, në pjesën më të madhe, sektori nuk arriti që të tejkalonte nivelet e parakrizës.
Aktiviteti i ngarkim/shkarkimit në porte e tejkaluar nivelin e vitit 2019, i ndikuar nga rritja e eksporteve dhe importeve. Ndërsa poshtë niveleve të parapandemisë mbetet transporti hekurudhor, ai ajror dhe detar i pasagjerëve.
Volumi i mallrave të ngarkuara/shkarkuara në porte, në muajin Dhjetor 2021 është 374,2 mijë ton, duke u rritur me 4,6%, krahasuar me Dhjetor 2020.
Në vitin 2021, volumi i mallrave të ngarkuara/shkarkuara në porte është 4.839,6 mijë ton, duke u rritur me 13,2%, krahasuar me vitin 2020. Volumi i mallrave të ngarkuara/shkarkuara në porte është rritur me 8,6%, krahasuar me vitin 2019.
Në muajin Dhjetor 2021, volumi i mallrave të transportuara me hekurudhë është 1.638 mijë ton-kilometër, duke u ulur me 40,4%, krahasuar me Dhjetor 2020.
Në vitin 2021, volumi i mallrave të transportuar me hekurudhë është 25.115 mijë ton-kilometër, duke u ulur me 3,5%, krahasuar me vitin 2020. Krahasuar me vitin 2019, volumi i mallrave të transportuara me hekurudhë është ulur me 41,5%.
Në muajin Dhjetor 2021, volumi i mallrave të transportuar me ajër është 200,0 ton, duke u rritur 11,1%, në krahasim me Dhjetor 2020.
Në vitin 2021, volumi i mallrave të transportuar me ajër është 2.035,8 ton duke u rritur me 13,3%, krahasuar me vitin 2020. Krahasuar me vitin 2019, volumi i mallrave të transportuara me ajër është ulur me 14,2%.
Në Dhjetor 2021, numri i fluturimeve të kryera është 2.408, duke u rritur 2,3 herë, në krahasim me muajin Dhjetor 2020.
Në Dhjetor 2021, numri i pasagjerëve që udhëtojnë me linjë detare është 59.100 pasagjerë. Krahasuar me Dhjetor 2020, ky tregues është rritur 71,7%.
Në vitin 2021, kanë udhëtuar me linjë detare 862.757 pasagjerë, duke u rritur me 2,3 herë, krahasuar me të njëjtën periudhë të vitit 2020. Krahasuar me vitin 2019, numri i pasagjerëve që kanë udhëtuar me linjë detare është ulur me 45,2%.
Në muajin Dhjetor 2021, transporti ajror i pasagjerëve zë 81,9% të transportit gjithsej.
Numri i pasagjerëve që kanë udhëtuar me linja ajrore, në Dhjetor 2021 është 271.340 pasagjerë duke u rritur me 3,2 herë, krahasuar me Dhjetor 2020.
Në vitin 2021, numri i pasagjerëve që kanë udhëtuar me linja ajrore është 2.928.275 pasagjerë duke u rritur me 2,2 herë, krahasuar me vitin 2020. Krahasuar me vitin 2019, numri i pasagjerëve që kanë udhëtuar me linjë ajrore është ulur me 12,3%.
Eksportet/importet e mallrave sipas mënyrës së transportit
Në Dhjetor 2021, vlera e mallrave të tregtuara (eksport dhe import) është 119,7 miliardë lekë dhe 45,7% e tyre u transportua me det. Në vitin 2021, vlera e mallrave të tregtuara (eksport dhe import) është 1.152,5 miliardë lekë dhe 48,2% e tyre u transportua me det. Në vitin 2019, vlera e mallrave të tregtuara (eksport dhe import) është 947,9 miliardë lekë dhe 51,8% e tyre u transportuan me det.
Eksportet e mallrave
Në Dhjetor 2021, mallrat e eksportuara me det zënë 58,2%, me rrugë 37,4% dhe me ajër 0,4%. Mallrat e eksportuara me rrugë në Dhjetor 2021 janë rritur me 21,7%, krahasuar me Dhjetor 2020.
Në vitin 2021, mallrat e eksportuara me det zënë 54,9%, me rrugë 38,8% dhe me ajër 0,4%. Mallrat e eksportuara me rrugë janë rritur 20,2%, krahasuar me të njëjtën periudhë të vitit 2020. Krahasuar me po të njëjtën periudhë të vitit 2019, mallrat e eksportuara me rrugë janë rritur 21,1%.
Importet e mallrave
Në Dhjetor 2021 mallrat e importuara me rrugë zënë 42,0%, me det 41,2% dhe me ajër 2,8%. Mallrat e importuara me rrugë në Dhjetor 2021 janë rritur me 20,6%, krahasuar me Dhjetor 2020.
Në vitin 2021, mallrat e importuara me rrugë zënë 45,1 %, me det 45,6% dhe me ajër 3,6%. Mallrat e importuara me rrugë janë rritur me 22,5%, krahasuar me të njëjtën periudhë të vitit 2020. Mallrat e importuara me rrugë janë rritur me 26,8%, krahasuar me të njëjtën periudhë të vitit 2019.
Marrë nga Monitor.al
