SERBI– Presidenti i Serbisë Aleksander Vuçiç ka deklaruar se vendi do të investojë për të filluar prodhimin e vaksinës ruse “Sputik V” në fund të këtij viti.
Reuters shkruan se javën e ardhshme pritet që një grup i ekspertëve rusë të vizitojë Serbin, te cilët do të zhvillojnë bisedime rreth prodhimit të vaksinës ruse në Serbi.
Vuçiç tha se ai dhe Presidenti rus Vladimir Putin kishin arritur një marrëveshje fillestare rreth fillimit të procedurës së prodhimit të cilën ai e përshkroi si “të komplikuar dhe të vështirë”.
Me mbi 530.000 persona apo 7.5 për qind të popullsisë që tashmë e ka marrë vaksinën kundër Covid-19. Deri më tani, koronavirusi ka infektuar 402,700 dhe i ka marrë jetën 4,085 njerëzve në Serbi, duke e çuar sistemin shëndetësor në prag të kolapsit.
