Para disa ditësh, Drejtori i Kadastrës Artan Lame, njoftoi publikisht, se kishte rezultuar i infektuar me “Covid”; dhe sipas rregullit do qëndronte 2 javë i mbyllur në banesë, deri në përfundim të afatit të përcaktuar mjekësor.
Por ditën e martë, vetëm 4 ditë më pas, Artan Lame doli në “FB” dhe u dha shqiptarëve, lajmin e mirë, se ishte kuruar e shëruar plotësisht nga epidemia dhe është rikthyer në zyrë me energji të reja.
Po a ka qenë Lame, i infektuar me “Covid”?
Burime konfidenciale nga Kadastra, kanë bërë me dije për “Pamfleti”, se Artan Lamen nuk e ka kapur “Covid”, por një “epidemi” tjetër, nga ato që do fillojë t’i hetojë BKH?
Sipas informacionit, Artan Lame ka patur mbi tavolinë, një “mal” me dosje pasurore e legalizimesh, të cilat duhej t’i firmoste me “përshpejtim”, sepse kështu ishte urdhëruar nga Rama e “këshilluar” nga “të fortët”, që i kanë zaptuar dhe ndërtuar jashtë ligjit.
Duke ditur që po afron nisja e aktivitetit të BKH, Artan Lame tentoi të bënte një lojë djallëzore; sikur gjoja ishte infektuar me “Covid” dhe ia delegoi detyrën me “kompetenca të plota”, vartëses së tij, Jeta Velaj, Drejtore e Njësisë Juridike dhe Kontrollit në Kadastër.
Delegimin e detyrës së Drejtorit, Lame ia bëri me Urdhër 2363, datë 21.10.2020; ndërsa bashkë me kompotencën, i dorëzoi dhe dosjet e pasurive e legalizimeve, që duhej të miratonte me firmë e vulë, bllokonte e anulonte dhe vendimet, që duhej të firmoste “me urgjencë”, gjatë ditëve që Lame do ishte “i sëmurë”.
![](https://albanews.al/wp-content/uploads/2020/10/tani1.png)
Thuhet, se Drejtorja Juridike, Jeta Velaj, duhej të firmoste dosje pronash problematike në zonat Vlorë, Durrës, Tiranë, Elbasan, Pogradec, Korçë, Sarandë, Fier etj.; të cilat janë me pasoja penale për atë që i firmos, por dhe në situatë konfliktuale mes palëve: pronarë legjitim dhe zaptues e grabitës me letra false.
Duke qenë Drejtore Juridike, Jeta Velaj njeh jo vetëm ligjin, por dhe batërdinë pronësore që ka bërë Artan Lame, në bashkëpunim me drejtorët e kadastrave të këtyre zonave; ndaj refuzoi të hidhte firma dhe pas 3 ditësh dorëzoi kompetencat e dhëna.
Refuzimi që i bëri vartësja dhe presioni që po i bëjnë babloku e “të fortët”, për të firmosur dosjet e pronave preferenciale që ata kanë zaptuar, detyroi Artan Lamen të largonte vurusin “Covid” e të shërohej brenda 4 ditësh. Pamfleti