Në një takim me mësuesit, kryedemokrati Lulzim Basha ka premtuar se mbas zgjedhjeve do të rrisë buxhetin vjetor për arsimin, duke synuar rrogën minimale 700 euro për mësuesit. Sipas tij, prioritet do të jetë arsimi profesional, dhe asnjë fëmijë shqiptar nuk do të privohet nga e drejta për t’u arsimuar për shkak të gjendjes ekonomike.
Teksa mësuesit u ankuan për situatën e pandemisë në shkollë, për faktin se puna e tyre është shtuar dhe se ata nuk shpërblehen por orët shtesë, kryedemokrati Basha ka përsëritur thirrjen për testim masiv dhe të vazhdueshëm për mësuesit, si një masë për parandalimin e infektimit në institucionet arsimore.
