Kryetari i Partisë Demokratike, Lulzim Basha ka denoncuar sot sërish kontratat për inceneratorët dhe tha se për rastin e kontratës së inceneratorit të Fierit, autoritetet shqiptare mbyllën “sytë” para dokumenteve të dorëzuara nga koncesionari, duke mos parë as çmimin me të cilin garonte kompania e biznesmenit Klodian Zoto. Kryedemokrati pyeti disa herë publikisht SPAK se çfarë po ndodh me hetimin, duke hedhur pikëpyetje edhe mbi rolin e kryesuesit të SPAK, Arben Kraja. Më tej, kryedemokrati komentoi edhe takimin e PS dje në Elbasan, jashtë ambienteve të inceneratorit. Basha tha se Rama po përdor PS për të mbuluar “vjedhjen” tek plehrat. Kryedemokrati gjithashtu dha një mesazh të fortë politik për “Detin”, kur tha se kjo çështje nuk mund të dërgohet nga kjo qeveri në prag të zgjedhjeve në Hagë, ndërsa po ashtu la të kuptohej se PD dhe aleati i saj më i madh në opozitë, LSI do të shkojnë me lista të ndara në zgjedhje.
“E vetmja shifër që qeveria raporton janë gjobat që vendos për ata që smbajnë maskë. Testimet më të ulëtat në rajon dhe europë. financimi për shëndetësinë më i ulëti në rajon. Ndoihma për bizneset që po falimentojnë është 0. Pardje ne po flisnim për aferën e inceneratorëve e denoncuam në SPAK dhe ka paguar edhe 300 milion lekë të vjetra inceneratorit në Elbasan. E vetmja gjë që oshëtin sot në Shqipëri është heshtja e SPAK me vjedhjen e inceneratorëve. Kyçja e gojës nga SPaku për vjedhjen e shekullit me inceneratorët është e vetmja gjë që buçet.
Rama nuk lodhet së premtuari dhe duke i shkelur premtimet. Duhet ta harrojë ai edhe se SPAK se unë sdo ndalem, ditë për ditë do të kërkoj që SPAK të bëjë detyrën. Zoti Kraja është detyrimi juaj, zotërinj të SPAK jeni të mirëmbrojtur nga mafja dhe keni përkrahje atlantike.
Të gjitha këto masa janë marrë që të mos keni frikë dhe të mos kapeni nga mafja e politikanë të korruptuar. Realizoni qëllimin numër 1 të SPAK ti ndëshkoni politikanët dhe jo ti mbroni.
Zoti Kraja hapeni gojën dhe trehgojuni qytetarëve se po i vjedhin. Çfarë iu pengon të bëni detyrën sipas ligjit. Heshtja juaj inkurajon hajdutët. Ne nuk jemi prokurorë ndonëse kemoi juristët më të mirë në këtë parti .Për tu ardhur në ndihmë që të shkyçni gojën po iu publikoj sot edhe një fakt tjetër tronditës të kontratës së inceneratorit të Elbasanit. Fakt tronditës, konçesionari i inceneratorit të Fierit u përzgjodh pa vlerësuar ofertën financiare”, tha Basha.
