Të mërkurën Bashkimi Europian konfirmoi planin e bllokut për të frenuar ndryshimet klimatike dhe për të ulur emitetet e dioksidit të karbonit me 55% deri më 2030. Sipas ligjti të ri të rënë dakord midis vendeve anëtare të BE, blloku do të ulë emitetet e karbonit me të paktën 55% deri në 2030, krahasuar me nivelet e karbonit në vitin 1990.
Parlamenti i Bashkimit Europian dëshironte një ulje më të lartë, deri më 60% por në fund u ra dakord që shifra të përcaktohej në 55%. “Angazhimi ynë publik për t’u bërë kontinenti i parë neutral ndaj klimës deri më 2050 është duke u bërë realitet” tha shefi i komisionit të BE-së Ursula Von Der Leyen. “Ky ligj është rruga e duhur për një të ardhme më të mirë.” shtoi ajo.
Vende të tjera rreth bllokut si Mbretëria e Bashkuar dhe Zvicra gjithashtu ranë dakord që të ulnin emitetet e tyre të dioksidit të karbonit me të paktën 60% por Britania po planifikon që të arrijë të paktën një shifër uljeje prej 78% deri në 2035.
Një këshill ekspertësh dhe shkencëtarësh do të krijohet nga anëtarët e BE-së për të rregulluar dhe menaxhuar ndryshimet e nevojshme. Komisioni i BE do të shpallë një paketë ligjesh për klimën në qershor duke e quajtur atë “një moment historik për Europës dhe një shembull për tërë botën”.
