Shifra e të infektuarve me Covid-19 në gjithë botën ka shkuar mbi 103 milionë, ndërsa 2,237,967 njerëz kanë ndërruar jetë.
Shtetet e Bashkuara janë vendi me numrin më ta lartë të infektimeve, ku gjatë orëve të fundit janë shënuar mbi 107,816 raste, duke e çuar shifrën ne total 26 milionë. Ndërkohë që shifra e viktimave në total është 452,279 pacientë.
Në Evropë gjendja paraqitet problematike, ku disa vende ende janë në izolim dhe disa të tjera kanë shtyrë masat parandaluese. Në Itali gjatë 24 orëve të fundit janë shënuar pozitiv mbi 11,252 njerëz dhe numri në total është mbi 2 milionë. Ndërkohë, që kanë ndërruar jetë mbi 237 persona dhe numri në total është 88,516.
Ndërkohë, Presidentja e Komisionit Evropian, Ursula Von der Leyen ka deklaruar se Evropa ka për qëllim të vaksinoj 70% të popullsisë së të rriturve që deri në fund të verës.
