Çmimet e Oscar rikthehen të dielën me një kapacitet të zvogëluar për shkak të pandemisë, megjithatë një gjë nuk ndryshon në Hollywood, të nominuarit përsëri do të mbushen me dhurata të shtrenjta.
Sërish, si çdo vit, VIP-at që do të jenë pjesë e Oscars do të marrin pushime falas, trajtime të shtrenjta bukurie, bizhuteri, rroba dhe vepra arti të krijuara me porosi.
GBK Brand Bar në Hotel Kimpton La Peer në West Hollywood po ofron për yjet çanta dhuratash të mbushura me produkte e shërbime me vlerë 60,000 dollarë.
Shërbimet e përfshira në ofertë përfshijnë një udhëtim dy-netësh në Fixhi në Raiwasa Resort me një staf të përkushtuar prej 12 personash dhe shefa personalë me pesë yje, me vlerë 8,000 dollarë.
Në ofertë ka gjithashtu katër netë në Sailrock Resort në Turks & Caicos, me vlerë prej 10,000 dollarësh dhe ofrohet vetëm për të nominuarit për Oscar.
Yjet gjithashtu mund të pëfitojnë tri netë në hotelin luksoz Casa del Campo në Republikën Dominikane, me vlerë 3000 dollarë. Gjithashtu tri netë në një “eko suitë” në Kahari Resort në Bahamas.
