Banorët e zonës së Thethit kanë bërë thirrje për ndihmë, pasi rrugët e fshatrave janë bllokuar nga dëbora.
Disa prej banorëve të kësaj zonë edhe pse me automjete të larta nuk kanë mundur të përshkojnë rrugën, pasi ajo është bllokuar deri në 40 centimetra borë.
Në apelin e tyre, ata kërkojnë që t’u vihet në ndihmë, pasi janë edhe pa energji elektrike dhe s’kanë mundësi të shkojnë në qendrat shëndetësore.
