Presidenti turk Rexhep Tajip Erdogan tha që ambasada turke është kthyer në ndërtesën e saj në kryeqytetin e Afganistanit. Ai deklaroi që ndryshe nga anëtarët e tjerë të NATO-s, Turqia do të mbante një presencë diplomatike në Afganistan.
Ndërsa shtetet e tjera të NATO-s janë duke u tërhequr nga Afganistani, Turqia ka vendosur që të përmirësojë marrëdhëniet e saj me qeverinë e re të Talibanëve dhe ka arritur një marrëveshje për të siguruar qëndrimin e diplomatëve të saj në vend.
Në një intervistë për mediat turke gjatë fluturimit për në Malin e Zi, Presidenti turk Rexhep Tajip Erdogan tha që Turqia kishte rihapur ambasadën e saj në Kabul. Ai shtoi që plani i ri i Turqisë ishte që të përmirësonte marrëdhëniet e saj me Talibanët dhe të siguronte aktivitetet e stafit të ambasadës turke në vend.
Presidenti turk tha që Turqia i ka mirëpritur deklaratat e Talibanëve me “optimizëm” por gjithsesi vendi do të vazhdojë të tregohet i kujdesshëm.
