Greqi- Ka shumë foto që janë bërë virale, të cilat përshkruajnë dhimbjen dhe vuajtjet e njerëzve që panë shtëpitë dhe pronat e tyre të shkatërroheshin nga zjarri në Evia.
Një nga fotot që bëri xhiron e internetit është e një vajze të vogël, Valentinës, e cila qëndron në dritaren e një makine me një shishe ujë në dorë, duke qarë dhe duke pritur prindërit e saj, të cilët po luftonin me flakët duke u përpjekur të shpëtonin shtëpinë e tyre.
Një tjetër moment prekës është edhe momenti kur një fotoreporter i jep një lodër Valentinës dhe ajo pushon së qari.
Siç shkruan George Moutafis: “Valentina e vogël po qan ndërsa pret që babai i saj, të kthehet pasi po përpiqet të shpëtojë shtëpinë e tyre nga zjarri. Nëna e saj në gjendje shoku u përpoq të shkonte në shtëpinë që po digjej nga zjarri për të parë nëse burri i saj ishte mirë, por ne e ndaluam. Në atë moment, kolegu Nikos Kristofakis nxori një lodër të vogël nga makina e tij dhe ia dha Valentinës. Vetëm nëse jeni prind, dini si të pushoni një fëmijë që të mos qajë më”.
