Lulzim Basha sulmon për herë të dytë sot kryeministrin Edi Rama në lidhje me menaxhimin e situatës me koronavirusin.
Në ‘Twitter’, Basha thekson se Rama gënjeu shqiptarët, kur iu premtoi shëndetësi falas. Basha i referohet raportit të OBSH për varfërinë në vendin tonë, duke thënë se shëndetësia dhe ekonomia janë në kolaps.
“Rama premtoi shëndetësi falas për shqiptarët. Ai gënjeu. OBSH raporton se 8% e familjeve shqiptare ranë në varfëri prej shpenzimeve të larta shëndetësore. Rama e ka humbur kontrollin mbi pandeminë. Shëndetësia dhe ekonomia janë në kolaps. Së bashku do ta mundim këtë të keqe, do ta shërojmë Shqipërinë dhe do të sjellim shpresën dhe të ardhmen që dëshiron çdo shqiptar”, shkruan Basha.
