Kukës- Janë arrestuar dy persona pasi lëviznin me arsenal armësh me vete si dhe me lëndë narkotike.
Operacioni policor i koduar “Eagle” vuri në pranga shtetasit A. E., 24 vjeç dhe M. M., 33 vjeç, banues në Kukës. Policia ndaloi mjetin tip “Benz”, me drejtues shtetasin A. E. ku gjatë kontrollit iu gjet një armë zjarri tip kallashnikov, 3 karikator, 81 fishekë dhe 350 gramë lëndë narkotike kanabis.
Nga hetimet ka rezultuar se shtetasi A. E. ia ka blerë lëndën narkotike shtetasit M. M. Policia bëri kontroll në banesën e shtetasit M. M., në fshatin Gabrice, ku kanë gjetur dhe sekuestruar një armë zjarri pushkë, 19 fishekë, 525 gr. lëndë të dyshuar cannabis sativa, si dhe një sasi parash.
