DIVJAKË– Një tjetër aksident i rëndë ka ndodhur në aksin rrugor Lushnje-Divjakë, në vendin e njohur si ura e Gradishtës. Drejtuesi i makinës tip “Benz”, 51-vjeçari Arsen Sina, është përplasur me një motor. Si pasojë e përplasjes kanë ndërruar jetë drejtuesi dhe pasagjeri i motorit, ndërsa Sina ëhstë prangosur nga Policia.
NJOFTIMI I PLOTË:
Policia Lushnjë/ Informacion paraprak
Sot rreth orës 15:10, në aksin rrugor Lushnjë-Divjakë, në vendin e quajtur ‘Ura e Gradishtës’, shtetasi A. S., 51 vjeç, banues në Spolat, Lushnjë, duke drejtuar automjetin tip ‘Benz’ është përplasur me motomjetin tip ‘Lifan’.
Si pasojë e përplasjes është dëmtuar drejtuesi i motomjetit dhe pasagjeri në motomjet,(ende të paidentifikuar) të cilët kanë ndërruar jetë. Është shoqëruar drejtuesi i automjetit dhe po kryhen veprimet procedurale. Grupi hetimor po punon për zbardhjen e rrethanave të ngjarjes.
