Kosovë- Një i ri ka mbetur i vdekur si pasojë e një përleshjeje që ka ndodhur mëngjesin e sotëm ndërmjet pesë personave në Prizren, raporton Express.
Një përleshje fizike ka çuar deri te përdorimi i armëve të ftohta, ku si pasojë, një i ri ka mbetur i vdekur.
Nga Policia e Prizrenit bëhet me dije se viktima është L.B.15 vjeç, ndërkaq edhe i dyshuari është i po të njëjtës moshë.
Në stacionin policor në Prizren janë duke u intervistuar i dyshuari dhe dëshmitarët që kanë qenë në vendngjarje në momentin kritik. Ndërkohë, Policia sot gjatë ditës bëri të ditur se rasti ka ndodhur në orën 10:10 në rrugën “Ylber Fanaj” në Prizren.
