Turqi- Autoritetet kanë evakuuar dhjetëra shtëpi në jug të Turqisë, ndërsa flakët verërore kanë vazhduar të përhapen nëpër pyejt e vendit, deri më tani raportohen 3 viktima.
Erërat e forta bregdetare të rajonit kanë ndihmuar në përhapjen e zjarreve nëpër rajonet jugore dhe bregdetare të vendit, si qyteti i Manavgatit, duke detyruar banorët që jetojnë në periferi të qytetit të largohen nga shtëpitë e tyre.
Forcat shtetërore po vazhdojnë të luftojnë me “flakët e ferrit” në një përpjekje për të vendosur situatën nën kontroll. Qindra zjarrëfikës, të mbështetur nga helikoptera dhe aeroplanë po punojnë për të shpëtuar qytetin nga flakët.
Deri më tani tre njerëz janë shtruar në spital për djegie të nivelit të lartë dhe njëri prej tyre është në gjendje të rëndë.
Zjarret janë normale në zonën e Mesdheut Lindor dhe të detit Egje gjatë sezoneve të verës, por zjarret e këtij viti kanë qenë të një niveli më të rrezikshëm sesa të viteve të kaluara, gjë që konsiderohet një “fenomen i panatyrshëm” që vjen si pasojë e efekteve negative të ngrohjes globale.
