TIRANË– Çmimi i naftës në Shqipëria po vendos një rekord të ri! Një litër naftë këtë fundjavë po i afrohet cmimit prej 180 lekë, pasi në pikat e tregtimit më pakicë litri ka rritur në 177 lekë, 5-7 lekë më shumë nga vetëm pak ditë më parë.
Por nuk është vetëm nafta. E njëjta tendencë është vënë re edhe për benzinën dhe gazin, që gjithashtu kanë pësuar rritje në çmim. Në treg, çmimi i gazit po i kalon 89 lekë për litër.
Rritja e karburanteve vjen në të njëjtën linjë me ndikimin e tregjeve ndërkombëtare, pasi një fuçi naftë gjatë muajit muajit shtator është rritur nga 55$ për fuçi, në 80 dollarë.
Shqiptarët po përballen një shtrenjtim të kostos së jetesës, pasi fillimisht rritja nisi me 10 lekë të reja për çmimin e bukës, e po ashtu është parashikuar që të rritet edhe çmimi i kafes.
