Tiranë- Policia Federale Gjermane ka dhuruar 22 automjete të reja për Policinë Shqiptare, duke çuar në total 90 e mjeteve të marra gjatë viteve të fundit. Bashkë me mjetet, janë dhuruar edhe pajisje teknologjike e radio ndërlidhëse.
Ministri i Brendshëm, Lleshaj në një prononcim është shprehur se mjetet do të përdoren nga policia kufitare dhe ka falenderuar aleatët për donacionin.
“Policia gjermane i ka identifikuar mirë nevojat tona. Mjetet që pranogen sot, i dedikohen Policisë Kufitare që po njeh fuqizim të mëtejshëm. Edhe në 2020 flusket migratore janë rritur por edhe përpjekja jonë për ta kontrolluar kufirin. Nuk e kontrollojmë vetëm por bashkë me FRONTEX. Mbetet që Policia të rrisë kontrollin dhe të frenojë migracionin e paligjshëm. Ne do ta vazhdojmë më tej bashkpunimin. Duhet ta konsiderojmë fat mundësinë që kemi për të bashkëpunuar me ta,”-u shpreh Lleshaj.
