GREQI– Të gjithë punonjësit shëndetësorë që nuk do të jenë të vaksinuar kundër Covid do të pushohen nga puna. Ky ishte vendimi i qeverisë greke, i cili i lë afat punonjësve të shëndetësisë që të vaksinohen deri më 31 mars. Lajmin e ka bërë me dije ministri i Shëndetësisë ne Greqi, Thanos Plevris.
“Qëndrimi i ministrit të Shëndetësisë dhe sugjerimi i tij që ata mjekë që nuk janë të vaksinuar, nga data 31 mars e në vazhdim jo vetëm që do të pezullohen nga puna, por nuk do të mund të ofrojnë shërbimet e tyre në asnjë shërbim të sistemit shëndetësor grek” , shpjegoi Thanos Plevris, duke folur për SKAI-n.
“Elementi kryesor i vaksinimit është që të keni përfunduar vaksinimin (doza e parë dhe e dytë). Ligji thotë që nëse nuk ke bërë këstin e parë dhe të dytë, je i pezulluar dhe nuk ka ndryshuar”, shton më tej ai.
