Kreu i Komitetit të vaksinimit të Greqisë, tha të Hënën që fëmijët e moshës 12-15 vjeç do të jenë në gjendje të vaksinohen me vaksinën Pfizer BioNTech dhe Moderna.
Kreu i komitetit të vaksinimit në Greqi, Maria Theodoridou, tha që përfshirja e adoleshentëve më të rijn në programin e vaksinimeve do të ndihmonte në mbrojtjen e të rijnve dhe të afërvme të prekshëm, si dhe përgatitjen për rihapjen e shkollave në shtator.
Edhe pse Greqia ka administruar më shumë se 10.2 milionë vaksina në një vend që ka më pak se 11 milionë banorë, infeksionet në vend kanë vazhduar të rriten për shkak turizmit dhe hapjes së sezonit veror.
Sipas sekretarit të përgjithshëm të ngarkuar me vaksinimet, Marios Themistokleous, rreth 47% e popullsisë greke është vaksinuar plotësisht por një pjesë e mirë e rinisë së vendit ngelet akoma e pavaksinuar, gjë që sipas tij është një nga arsyet kryesore të rritjes së infeksioneve në vend. Kjo masë e re e ka bërë Greqinë një nga vendet e para të Bashkimit Europian që ka filluar vaksinimin e fëmijëve të moshës 12 vjeçare.
