Ndërsa Greqia po vazhdon të luftojë kundër zjarreve të tmerrshme, Kryeministri i vendit, Konstantinos Mitsotakis ka deklaruar që vendi po përballet me valën më të keqe të nxehtësisë të 30 viteve të fundit, duke e krahasuar situatën me motin ekstrem të viteve 1987 në të cilën më shumë se 1,500 njerëz vdiqën për shkak të zjarreve.
“Ne po përballemi me valën më të keqe të nxehtësisë që nga viti 1987” tha Kryeministri Mitsotakis në një deklaratë.
Komentet e Kryeministrit Mitsotakis erdhën të Hënën, ditën në të cilën Greqia regjistroi një temperaturë prej 45 gradë Celsius dhe zjarrëfikësit e vendit filluan të luftonin kundër flakëve që po djegin pyejt dhe po rrezikojnë qytetet e vendit.
Vala e nxehtësisë e vitit 1987 vrau më shumë se 1.500 njerëz në Greqi dhe sipas parashikimeve të fundit temperaturat do të vazhdojnë të rriten në vend duke rritur rrezikun e zjarreve nëpër pyejt dhe fshatrat e vendit.
