Inflacioni në tremujorin e këtij viti ka arritur nivelin më të lartë historik të shënuar në vendin tonë qysh prej viti 1998. Në konferencën vjetore të Bankës së Shqipërisë, guvernatori Gent Sejko tha se niveli i inflacionit për tre mujorin e këtij viti ka arritur 8%, ndonëse sipas tij është norma më e ulët krahasuar me vendet e rajonit, por edhe ato të Europës.
Sejko theksoi se edhe produkte e shportës shfaqin një normë inflacioni mbi objektivin e vendosur nga Banka e Shqipërisë që është 3%. Kjo rritje e inflacioni, Sejko ripërsëriti se vjen si pasojë e luftës në Ukrainë, çka ka ndikuar në ekonominë e të gjitha vendeve, përfshirë edhe atë të vendit tonë.
“Inflacioni shënoi rritje të shpejtë gjatë vitit 2022, duke arritur nivelin 8% në tremujorin e tretë – nivel ky më i larti i regjistruar që prej vitit 1998. Ndonëse inflacioni në Shqipëri paraqitet i ulët, si në kontekstin rajonal dhe në atë europian, duke pasqyruar ecurinë e fortë dhe të qëndrueshme të kursit të këmbimit dhe çmimet e rregulluara të energjisë elektrike për familjet, baza e tij ka ardhur në rritje e zgjerim. Tashmë, pjesa më e madhe e artikujve të shportës shfaqin një normë inflacioni mbi objektivin tonë prej 3%. Po ashtu, artikujt e shportës me normë të lartë apo në rritje inflacioni nuk janë më vetëm mallra e shërbime me origjinë importi, por edhe produkte, të cilat pjesën më të madhe të vlerës së shtuar e gjenerojnë në vend”, tha Sejko.
E pranishme në konferencë është edhe ministrja e Financave delina Ibrahimaj, e cila tha se inflacioni është sfida më e madhe e ekonomisë së vendit, ndonëse politkat që janë marrë deri më tani kanë qenë thelbësore për përballimin e krizës.
lajm ne perditesim…
