Kryeministri kanadez Justin Trudeau foli me presidentin ukrainas Volodymyr Zelensky të mërkurën, gjatë së cilës ai shprehu solidaritetin dhe ofroi mbështetje të mëtejshme për popullin ukrainas, sipas një deklarate nga zyra e Trudeau. Në një postim në Twitter, Zelensky falënderoi Trudeau për udhëheqjen e tij në vendosjen e sanksioneve ndaj Rusisë, duke shtuar se ai “theksoi nevojën për të zgjeruar masat kufizuese”.
Kanadaja filloi të ofrojë ndihmë vdekjeprurëse ushtarake për Ukrainën muajin e kaluar, duke ndryshuar politikën e saj të mëparshme raporton CNN. Trudeau tha se ai përgëzoi guximin dhe udhëheqjen në frontin e luftës të Zelensky, duke e quajtur atë frymëzues për kanadezët dhe njerëzit në mbarë botën. Rusia do të mbahet “përgjegjëse për pushtimin e saj të pajustifikueshëm dhe të paligjshëm të territorit sovran të Ukrainës,” tha Trudeau. Sipas deklaratës, të dy udhëheqësit diskutuan mënyrat se si Kanadaja mund të vazhdojë të mbështesë Ukrainën në të ardhmen e afërt.
