KOSOVË-Kryetari i Lëvizjes Vetëvendosje dhe kandidati për kryeministër, Albin Kurti, vazhdon të insistojë se dialogu me Serbinë nuk është një prioritet për qeverinë e tij. I pyetur nga disa media të huaja, pasi u shpall e fitorja e zgjedhjeve, Kurti është shprehur se prioritet është punësimi dhe ekonomia e vendit.
Në një intervistë të dhënë për Agjencinë Bullgare Telegrafike (BTA), Kurti është shprehur se mund të bëjë një tolerim dhe dialogun ta vendosi në vend të katër.
“Ne do të bëjmë një lëshim dhe do ta bëjmë dialogun me Serbinë prioritetin numër katër pas vendeve të punës, drejtësisë dhe pandemisë COVID-19”, tha Kurt
Ndërsa, në median zviceriane, “Le Temps”, ai ka thënë se të gjitha sondazhe tregojë se shqetësimi kryesor i popullit të Kosovës, është ekonomia, punësi dhe drejtësia, por mund të bëjë një kompromis dhe ta vendos dialogun në vendin e tretë ose të katër.
“Kjo temë renditet e gjashta ose e shtata midis prioriteteve të qytetarëve. Të gjitha sondazhet tregojnë se shqetësimet e tyre kryesore janë punësimi, ekonomia, drejtësia… Sidoqoftë, unë jam i gatshëm të bëj një kompromis, për ta vendosur dialogun në rendin e tretë ose të katërt të përparësive të mia”,deklaroi Kurti.
Ndërkohë, që ka nga ana tjetër presidenti i Serbisë Aleksandër Vuçiç ka thënë se pret që në muajin maj të vazhdojë dialogu. Ndërsa, i dërguari i Bashkimit Evropian Miroslav Lajçak, pas vizitës së tij në Kosovë dhe Serbi është shprehur se të dyja palët kanë rënë dakord dhe dialogu mund të rinis para verës.
Më 4 shtator 2020, Kosova dhe Serbia kanë nënshkruar në Shtëpinë e Bardhë në Uashington, dy dokumente për normalizimin e raporteve ekonomike, në prezencë të ish-presidentit amerikan, Donald Trump. Ato u ndërmjetësuan nga i dërguari i atëhershëm i Trumpit për dialogun, Richard Grenell. Pas zgjedhjeve presidenciale në Shtetet e Bashkuara, Prishtina dhe Beogradi janë zotuar se do të vazhdojnë zbatimin e marrëveshjeve, pavarësisht ndryshimit të administratës amerikane.
Dialogu politik ndërmjet Kosovës dhe Serbisë, me ndërmjetësimin e Bashkimit Evropian, ka nisur më 2011. Takimi i fundit ndërmjet krerëve shtetërorë të këtyre vendeve është zhvilluar në shtator të vitit të kaluar. Prej atëherë, nuk është mbajtur takim i nivelit të lartë. Deri në zgjedhjen e Qeverisë së re të Kosovës, Brukseli zyrtar ka paralajmëruar se nuk do të ketë takime në kuadër të dialogut.
