GREQI– Ministri i Shëndetësisë në Greqi, Thanos Plevris ka deklaruar se masat mund të hiqen në mes të muajit mars. Sipas tij, do të ketë depërshkallëzim të plotë të kufizimeve kundër Covid por qytetarët duhet të jenë të ndërgjegjshëm për situatën që bota po kalon, duke marrë masat e duhura.
Për SKAI-n, ai deklaroi se ” deri në fund të marsit, të gjitha masat kufizuese duhet të hiqen në kombinim me presionet ndaj sistemeve individuale shëndetësore”.
Ministri deklaroi se pamja e përgjithshme është se Evropa nuk duhet të jetë e vetëkënaqur për fundin e pandemisë, por duhet të përgatitet pasi kjo situatë nuk ka fund. Siç theksoi ai duke folur për SKAI-n, “edhe me llojin ekzistues të koronavirusit, shumë ekspertë besojnë se edhe nëse ai ka lëvizjen normale, do të ketë një intensitet më të madh se gripi i thjeshtë”.
Duke iu përgjigjur arsyes pse u vendos për heqjen e masave , Plevris tha: “për momentin po ndërthurim vaksinimimin, tani jemi mbi 80% të popullatës së vaksinuar”.
