Sipas Ministrisë së Arsimit, matura shtetërore 2022, pritet të ketë reformime rrënjësore. Ministrja Evis Kushi gjatë një komunikimi të fundit pranoi se pas shqetësimeve të nxënësve dhe prindërve në lidhje me hartimin e tezave do të ketë ndryshime të mëdha.
Ajo deklaroi se grupi i punës dhe qasja është ndryshuar duke propozuar gjithashtu shtimin e pyetjeve me alternativa, për të shmangur gabimet njerëzore me korrigjimin dixhital.
Nga të dhënat që disponohen ka rezultuar se maturantët në qytet kanë arritje më të larta se ata në fshat. Kjo ngre dyshime për fiktivitet dhe keqmenaxhim të procesit të provimeve, pasi diferencat në notën mesatare vjetore dhe asaj mesatare të maturës mbeten për t’u shqyrtuar.
