Një grup i vaksinave “AstraZeneca”, kanë mbërritur ditën e sotme në Maqedoninë e Veriut. Sipas medias maqedonase “Slobodnaevropa”,bëhet e ditur se përmes mekanizmit Covax, në vend kanë mbërritur 24,000 vaksina.
Lajmi është konfirmuar dhe nga Ministri i Shëndetësisë, Venko Filipce, i cili ka thënë se vaksinimi do të nisë ditën e mërkurë.
Po ashtu, ai ka thënë se me këtë grup vaksinash, do të vaksinohen rreth 20,000 njerëz mbi moshën 75 vjeç që kanë dhe sëmundje kronike.
“Kjo vaksinë ruhet në një temperaturë prej 2 deri në 8 gradë, që do të thotë praktikisht në çdo qytet mund të ruhet dhe të jepet ,”-ka thënë ai
Që pej fillimit të pandemisë në Maqedoninë e Veriut janë shënuar 126,230 raste infektimi dhe kanë ndërruar jetë 3,642 pacientë.
