Sot(e hene, 31 janar) mbyllet afati për bashkitë të cilat aplikojnë për subvencionimin e qirasë dhe grantin e menjëhershëm. Në një shkresë të Ministrisë së Financave dhe Ekonomisë nënvizohet se shumica e fondit që është planifikuar në buxhet për programet e strehimit do të shkojë për bonusin e qirasë për familjet që janë të prekura nga tërmeti i 26 nëntorit 2019 dhe që ende nuk kanë hyrë në banesat e reja.
“Nëpërmjet kësaj shkrese ju bëjmë me dije mbi fondet e planifikuara për shpenzimet korrente, për programet e strehimit, për vitin 2022, mbi afatet, formularet e aplikimit dhe kushtet për përftimin e fondeve buxhetore.
Buxheti për shpenzimet korrente, për programet e strehimit për vitin 2022 në total është 1,322 milion lekë, i ndarë në 186.4 milion lekë për subvencionimin e interesave të kredive, 6 milion lekë për grant të menjëhershëm dhe 1,130 milion për bonusin e qirasë, nga ku 1,000 milion leke janë planifikuar për familjet e prekura nga tërmeti i datës 26 Nëntor 2019.
Kushtet për të përfituar fonde dhe Formatet e Aplikimit për subvencionimin e qirasë dhe për grantin e menjëhershëm, që do të financohen nga buxheti i shtetit në vitin 2022, janë përmbledhur ne “Termat e Referencës për programet e strehimit qe do të subvencionohen nga buxheti i shtetit në vitin 2022”, e cila është publikuar në faqen e Ministrisë, në adresën: https://vvëë.financa.gov.al/buxheti-i-strehimit-2022/. Ndërsa informacioni për subvencionimin e interesave të kredisë, i cili është në vazhdim nga viti 2019 dhe do të vijojë deri në plotësimin e kuotave të miratuara sipas bashkive është ai i publikuar në adresën: https://financa.gov.al/programi-i-subvencionimit-te-interesave-te-kredive/.
Afati i dorëzimit të kërkesave për subvencionimin e qirasë dhe grantin e menjëhershëm është data 31.01.2022”thuhet në dokument.Më herët Financat dhanë detaje më të zgjeruara për programet e strehimit dhe për mënyrën sesi do të vijojë financimi për bashkitë gjatë këtij.
Marrë nga Monitor.al
