Autoritetet po kërkojnë prova të reja për vrasjen brutale të 20-vjeçares Carolina Crouch në Glyka Nera të Greqisë. Policia prej 12 ditësh po përpiqet që prej 12 ditësh të “zbërthejë lëmshin” e çështjes. Ndërsa ka ende pyetje pa përgjigje, Policia formoi një skicë të vrasësit “të shkurtër”, ashtu siç e përshkroi bashkëshorti i saj. Siç raportojnë mediat vendase, lista e të dyshuarve është zvogëluar në rreth 30 persona, përveç kësaj nën “mikroskopin” e autoriteteve janë disa mostra ADN “jetime” që janë gjendur në papafingo të shtëpisë.
Shefi i Policisë së Atikës Juglindore, George Kalliakmanis, duke folur për MEGA, theksoi se çështja ka shumë pyetje, por nuk ka zbuluar shumë detaje.
“Unë nuk e di nëse skica është e vërtetë. Përvoja ime më tregon se skica të tilla kurrë nuk kanë ndihmuar në të kaluarën. Kështu që nuk kam asnjë shpresë nga skica. Një element i rëndësishëm është vendi i krimit. Na duhet si kanë vepruar autorët dhe koha që ata kaluan në shtëpi,”-tha ai.
Sidoqoftë, ka ende disa pika të paqarta që mbeten pa përgjigje: Së pari, fakti që kamera brenda shtëpisë nuk u shkatërrua gjatë grabitjes por autorët hoqën kartën e memories është një lëvizje që nuk konsiderohet e zakonshme. Së dyti, fakti që vajza nuk tentoi të shpëtonte, ngre një pikëpyetje të madhe se përse u vra nga autorët.
Ngjarja e rëndë ka ndodhur në Greqi, pak javë më parë ku tre persona shkuan për të grabitur shtëpinë e çiftit. 20-vjeçarja u gjet e vrarë, në papafingo të shtëpisë, pranë krevatit të fëmijës së saj 11 muajsh, ndërsa burri i saj 32 vjeç ishte i lidhur në një karrige në dhomën e gjumit.
Ishte ai që pretendohet se njoftoi Policinë duke i rënë telefonit me hundë, por bashkëshortja kishtë ndërruar jetë prej kohësh. Bashkëshorti i viktimës bëri me dije se vetëm pak ditë para grabitjes kishin shitur një tokë për 100 mijë euro por i kishin investuar menjëherë. Ndërsa në banesë kishin mbajtur vetëm 15 mijë.
