TIRANË– Në familjen e 69-vjeçarit Reshat Grembi i cili ndërroi jetë mëngjesin e sotëm, pasi u vetëhodh një ditë më parë nga Spitali Infektiv, janë hapur dyert e mortit.
Vajza e të moshuarit ka deklaruar se e kanë çuar me urgjencë në Tiranë dhe se babai i saj ka qëndruar 6 orë në korridor pa mjekim. Ndërsa djali i tij nga Gjermania kur ka komunikuar në telefon me të atin, i ka thënë se është në gjendje shumë të rëndë.
Nipi i viktimës ka deklaruar për gazetarin e “BalkanËeb” se 69-vjeçarit nuk ishte bërë tamponi, edhe pse po kurohej për Covid-19 tek Infektivi.
“Vdiq nga Covid-19, pa ju bere tamponi. Asnje konfirmim nga spitali infektiv si ndodhi. Nuk kemi fuqi te zbardhim te verteten. 5 dite xhaxhai u mjekua nga mjekja e lagjes. Ishte me temperature 40. Ikin ne Fier, i benë serum. Cojeni ne shtepi na thane. Pas skanerit na thone ka Covid-19. E cojme ne urgjence ne Tirane. Djali nga gjermania foli në telefon dhe ai i tha se eshte ne gjendje te rende. Ai qëndroi 6 orë në Infektiv pa asnjë shërbim, vajti në 2 pas mesnatës dhe në 8 të mëngjesit u hodh”, ka thënë nipi.
