GREQI– Dy djem të mitur 12 dhe 14 vjeç kanë kryer një krim makabër. Mediat greke shkruajnë se fëmijët kanë rrahur për vdekje një 86-vjeçar. Ngjarja e rëndë ka ndodhur pak ditë më parë në Selanik dhe vetëm sot është zbuluar se autorët janë dy të miturit dhe se gjithçka ka ndodhur për 200 euro.
Mediat vendase shkruajnë së sipas burimeve nga grupi hetimor, dy fëmijët janë futur në shtëpinë e të moshuarit për ta grabitur atë. Në momentin që kanë hyrë në banesë, 86-vjeçari i ka pikasur duke kontrolluar dhe është përballur me ta.
Fëmijët e kanë goditur në kokë dhe kur air a në tokë, nisën ta godisnin në të gjithë trupin. Më pas, ata morën 200 euro dhe u larguan që aty, por brenda pak orësh u kapën nga policia. Akoma më i tmerrshëm është rrëfimi i të miturve në polici. Ata kanë rrëfyer se kishin bashkëpunuar me gjyshërit e tyre. Këta ë fundit, kanë bërë roje që të mos i pikaste policia.
