Me siguri që martesa 15-vjeçare e Nicole Kidman dhe bashkëshortit të saj Keith Urban e ka një sekret. Mbase sekreti mund të jetë edhe fakti që Keith di ta ndajë jetën personale nga ajo profesionale. Aktorja zbuloi në një episod të fundit të “Daily Pop” se partneri nuk e ka aspak problem kur asaj i duhet të interpretojë në një skenë dashurie para kamerës.
“Bashkëshorti im është një artist, kështu që ai i kupton të gjitha dhe po ashtu nuk përfshihet,” tha Kidman. “Ai e sheh shfaqjen në fund kur del, të gjitha të redaktuara së bashku, dhe ai ka sy të freskët. Ai nuk lexon asnjë skenar, ai me të vërtetë nuk e di se çfarë po ndodh në xhirime. Ai ka karrierën e tij në të cilën është zhytur plotësisht. Ai nuk di shumë për atë që unë jam duke bërë në të vërtetë.”
Nicole Kidman dhe Cam Gigandet në filmin e vitit 2011, “Tresspass”
Nicole dhe Keith janë të martuar që nga viti 2006 dhe kanë bashkë vajzat Sunday dhe Faith. Në një intervistë për WSJ në prill të vitit të kaluar, aktorja foli për mënyrën sesi ajo dhe Urban balancojnë punën dhe jetën familjare. Ajo tha se mundohen të mbajnë një ekuilibër në familje, ku të paktën njëri prej prindërve të jetë pranë fëmijëve kur tjetri punon larg shtëpisë.
