Tiranë-Nga dita e hënë do të nis testimi i testeve të shpejta për evidentimin e rasteve COVID-19.
Ministrja e Shëndetësisë, Ogerta Manastirliu ka dhënë lajmin, duke shtuar se deri më tani janë siguruar 100 mijë teste të shpejta për COVID-19. Ministrja u shpreh se testimi do të nis ditën e hënë nga Tirana dhe nga 20 dhjetori do të bëhet shpërndarja edhe në Spitalet rajonale.
“Për sa i përket përfshirjes së shpejtë të antigenit, kemi siguruar në kontratën e parë 100 mijë teste të shpejta të antigenit që janë tashmë të disponueshme në vendin tonë. Testimi i shpejtë i antigenit do të nisë nga dita e hënë fillimisht në Tiranë.
Në fazën e parë, duke filluar nga dita e hënë fillon testi i shpejtë i antigenit që do jetë i disponueshëm ntë gjithë njësitë vendore të kujdesit shëndetësor. Janë struktura që kryejnë testin e tamponit. Nga 20 dhjetori do të jetë dhe në spitalet rajonale”, deklaroi ministrja.
