PRISHTINË– Mbrëmjen e djeshme ka përfunduar numërimi i votave në të gjitha qendrat e votimit në Kosovë. Komisioni Qendror i Zgjedhjeve ka bërë të ditur rezultatin në ueb faqen zyrtare, ku fitues me 47.85% është shpallur Lëvizja Vetëvendosje.
Pas kësaj partie, vendin e dytë e zë Partia Demokratike e Kosovës, me 17,41 për qind, dhe pas saj LDK-ja me 13,08 për qind. Ndërkaq, AAK e Ramush Haradinajt ka marrë 7,43 për qind, teksa Nisma Socialdemokrate 2,60 për qind.
Nga KQZ është lajmëruar dje se tanimë do të nisë numërimi i votave me kusht dhe atyre me postë, të cilat gjithsesi nuk mund të bëjnë diferencë në rezultat.
