Vlorë- Rruga e Lumit të Vlorës duket kështu.
Deputeti, Vullnet Sinaj i cili ka ndjekur që nga nisja këtë projekt madhor ka ndarë me ndjekësit e tij në rrjete sociale këto pamje me dron nga projekti më i madh i realizuar në krahinën e Lumit të Vlorës.
Sinaj është shprehur se me ndërtimin e kësaj rrugës do të jetë i mundur shkurtimi dhe distanca kohore. Deputeti Sinaj ka theksuar se nga 1 orë e 20 minuta që ishte rruga ga Vlora në Gjormë, tashmë mund të bëhet për 20 minuta. Ndërkohë nga Vlora në Brataj, ishte një orë e gjysmë, tani do do të bëhet për 30 minuta dhe për të gjithë pushuesit, aksesimi i Himarës, nga Vlora do të bëhte për një orë e çerek, deri në Qeparo.
Projekti madhor i rrugës Lumit të Vlorës që lidh fshatrat e kësaj zone me pjesën tjetër të vendit dhe del në zemër të bregdetit jonian. Rruga e Lumit të Vlorës, 94 km fillon nga Bypass i Vlorës–Peshkëpi– Ura e Gjormit–Brataj–Ura e Kudhësit-Qeparo, degëzimi për në fshatin Kuç, si dhe segmenti nga Rreth-rrotullimi i Peshkëpisë–Selenicë–superstrada Levan -Tepelenë. Ky aks përshkon fshatrat Peshkëpi, Kotë, Gjorm, Lepenicë, Kallarat, Brataj, Kuç, Kudhës dhe përfundon në Qeparo.
Loti I, By Pass Vlorë – Peshkëpi – Gjorm, me gjatësi 23.2 km është lidhur më 24 shkurt 2017. Punimet civile kanë filluar në mars 2017 dhe kanë përfunduar ne 29 qershor 2019. Loti i II, Gjorm – Brataj – Ura e Laskos është lidhur me 17 prill 2019 dhe punimet kanë filluar ne 13 Maj 2019. Loti i III, Ura e Laskos – Kuç dhe Ura e Laskos – Qeparo me kontratën e shpallur më 8 Maj 2020.
