ITALI- Tetë arrestime u kryen nga Policia e Shtetit të Perugias, e cila ndërhyri në aeroportin “San Francesco di Assisi” për një sherr mes të huajve që prisnin të hipnin në fluturimin për në Tiranë.
Disa shqiptarë që po shoqëronin bashkatdhetarët për t’u nisur, u takuan me një grup tjetër bashkatdhetarësh që ishin në radhë për check-in. Për arsye ende të pazbuluar, mes dy grupeve – raporton selia e policisë Perugia, lindi një konflikt i çastit i cili më pas degjeneroi në një përleshje të dhunshme gjatë së cilës disa ndarës të rreshtave metalikë të vendosur në afërsi u përdorën si objekte të mprehta.
Po ashtu një prej personave shihet i shtrirë dhe në gjendje të rëndë.
Të tjerët nga ana tjetër janë shoqëruar në Komisariatin e Policisë për hetimet e nevojshme.
