Revista satirike turke “Misvak” ka publikuar një hartë, e cila shkaktoi mjaft reagime në vendet e Ballkanit dhe Lindjes së Mesme. Harta përfshin si pjesë të Turqisë, Shqipërinë, Kosovën, Malin e Zi, Maqedoninë dhe Greqinë, ndërsa zgjerohet edhe në lindjen e Mesme me Irakun dhe Sirinë.
“Nëse kjo hartë do të vizatohet, atë e bëjmë ne!”, shkruan “Misvak” duke postuar mbi hartë edhe figurën e presidentit turk, Recep Tayyip Erdogan.
Ky postim satirizon qasjet ekspansioniste të Turqisë erdoganiste në Ballkan dhe rajon, megjithatë në pamje të parë ka krijuar alergji në shtetet që kanë qenë të pushtuara nga Perandoria Osmane, siç jemi edhe ne.
