Tiranë- Antonio Gallo, është në qendër të lajmeve të kronikës në Shqipëri e në vendin fqinj, ‘Princi’ i Ndrangheta-s që ka trazuar ujërat e mafias dhe politikës në të dyja vendet fqinje. Mediat italiane i kanë kushtuar më shumë vëmendje profilit të Gallos, i cili ka hapur dhe një bzines në zemër të ish-Bllokut në kryeqytet me emrin ‘Gallo Albania’.
‘Princi’ rezulton që të ketë në Itali karburante me emrin Gallo dhe një kompani për parandalimin e aksidenteve në Sellia. Për prokurorin publik të Catanzaro Nicola Gratteri që po ndjek dhe operacionin “Profil i Ulët” në Crotone, Gallo është një njeri i paskrupullt.
“Ndrangheta ka gjithnjë e më shumë marrëdhënie me biznesin dhe politikën. Figura kryesore është Antonio Gallo, një njeri i paskrupullt, i aftë të ketë kontakte të ngushta me njerëz që kanë të bëjnë me zbatimin e ligjit, politikën dhe Ndrangheta-n. ai ka zgjeruar gjerësisht aktivitetin e tij si sipërmarrës,”- thotë prokurori.
Ai shton se gjatë kontrollit në shtëpinë e Gallos kanë gjetur miliona euro në kesh, që ende nuk kanë mbaruar së numëruari, pavarësisht se kanë kaluar më shumë se 24 orë nga arrestimi i Princit dhe dhjetëra ora Rolex e makina super luksoze.
Antonio Gallo, i njohur ndryshe si “Princi” i klanit mafioz “Ndrangheta” dhe kishte bërë ortakëri me Henrik Baçin. Të dy janë lënë në arrest shtëpie për përfshirje në një aferë korruptive prej 250 milionë eurove.
“Gallo Albania” është biznes në pronësi të biznesmenit italian, Antonio Gallo dhe atij shqiptari, Henrik Baçi, të cilët zotërojnë secili nga 50% të aksioneve.
Mësohet se biznesi ndodhet në zonën e ish-Bllokut, që shet rroba, uniforma pune dhe këpucë. GalloAlbania, sipas të dhënave në QKR, rezulton e krijuar më 4 maj 2017 me ortakëri të z. Baçi dhe Gallos, 50 me 50 % me objekt: Import-Eksport, tregtim me shumice dhe pakice i veshjeve dhe tekstileve te ndryshme, pune profesionale etj. Si dhe aksesore te ndryshëm. edhe me ane te tregtisë elektronike: Veshje pune, veshje për dukshmëri të lartë, për rezistent ndaj zjarrit, veshje mjekësore dhe te ndihmës se shpejte, te papërshkueshëm nga uji zjarri, veshje hotelesh, dhe për të gjitha llojet e profesioneve bashke me aksesoret përkatës.
