Tiranë- Kryeministri Edi Rama ka folur për herë të parë për takimin me Berishën dhe ka treguar se çfarë i ka thënë.
I ftuar në emisionin ‘Politik On” kryeministri Rama ka rrëfyer takimin e parë mes tyre në qytetin Studenti, ku ishte mbledhur grupi i PD dhe Rama kishte marrë pjesë.
“Është e vërtetë kam shkuar tek një dhomë në qytetin Studenti që ishte mbledhur grupi që sapo kishte anonçuar grupin e PD-së. Gramoz Pashko më pa dhe më tha ‘urdhëra çfarë ke’. Kur e pa që nuk kisha ndërmend të ikja, të paktën jo në atë moment, u ngrit ky dhe më tha se ‘ky djali na duhet për fushatë se është i zoti i gojës’,”- tregoi Rama.
